ABŞ Prezidenti Donald Tramp Ukrayna böhranının həlli üçün səylərini davam etdirir və onun vəziyyətə emosional yanaşması başa düşüləndir.
1xeber.media xəbər verir ki, Kremlin mətbuat katibi Dmitri Peskov Trampın Vladimir Putinin Ukrayna nizamlanması kontekstində onu pis vəziyyətdə qoyması ilə bağlı açıqlamasını belə şərh edib.
"Biz güman edirik ki, ABŞ və prezident Tramp şəxsən öz siyasi iradələrini və Ukrayna münaqişəsinin nizamlanmasına kömək etmək üçün səylərini davam etdirmək niyyətlərini qoruyub saxlayırlar. Ona görə də təbii ki, prezident Tramp bu məsələ ilə bağlı kifayət qədər emosionaldır, belə demək mümkünsə... Bu, tamamilə başa düşüləndir", - Peskov bildirib.
Qeyd edək ki, Tramp ötən gün açıqlamasında Ukrayna məsələsi ilə bağlı Putinin onu pis vəziyyətdə qoyduğunu və xəyal qırıqlığına uğratdığını açıqlamışdı.
