Türkiyə hökuməti ABŞ-dan idxal edilən bəzi məhsullar üçün 2018-ci ildən qüvvədə olan əlavə rüsumları ləğv edib.
1xeber.media xəbər verir ki, Prezident Rəcəb Tayyib Ərdoğanın müvafiq fərmanı sentyabrın 22-də Türkiyə hökumətinin rəsmi qəzeti olan “Resmi Gazete”də dərc olunub.
Qərar Amerika istehsalı olan spirtli içkilər, avtomobillər, kosmetika və yarpaqlı tütün məhsullarına da şamil edilir.
Türkiyənin Ticarət Nazirliyi ABŞ mallarına tətbiq edilən əlavə rüsumların ləğvi qərarının Türkiyə-ABŞ danışıqlarının müsbət nəticəsi olduğunu bildirib.
Ankara 2018-ci ildə ABŞ hökumətinin Türkiyənin polad və alüminiumuna tarifləri artırmasına cavab olaraq qarşı tərəfdən malların idxalına əlavə rüsumlar tətbiq etmək qərarına gəlmişdi.
Türkiyə hökuməti daha əvvəl ABŞ ilə ticarət dövriyyəsini ildə 100 milyard dollara çatdırmaq öhdəliyini vurğulamışdı.
