2024-cü ilin noyabr ayından etibarən Bakı Metropolitenində qatarların hərəkətində dəyişiklik tətbiq olunub. Bu dəyişiklik "Həzi Aslanov" stansiyasında aparılan yenidənqurma və təmir işləri ilə əlaqədardır. Qatarlar Qırmızı xətt üzrə (“İçərişəhər” stansiyasından) və Yaşıl xətt üzrə (“Dərnəgül” stansiyasından) “Əhmədli” stansiyasına qədər hərəkət edir.
1xeber.media xəbər verir ki,Modern.az tikinti işlərinin başa çatacağı tarixi öyrənmək üçün “Bakı Metropoliteni” QSC ilə əlaqə saxlayıb.
Sorğumuza cavab olaraq QSC-dən bildirilib ki, bu istiqamətdə təmir işləri mərhələli şəkildə davam etdirilir və bu müddətdə “Həzi Aslanov” stansiyası sərnişindaşıma fəaliyyətini dayandırmadan xidmət göstərir.
Əlavə olaraq qeyd edilib ki, qatarların hərəkəti xüsusi qrafik əsasında təşkil olunub.
Qurumdan verilən məlumata görə, tikinti işlərinin 2026-cı ilin sonuna qədər yekunlaşdırılması planlaşdırılır.
