Dini Qurumlarla İş Üzrə Dövlət Komitəsinin Din xadimlərinin II Forumu ilə bağlı elan etdiyi tenderdə maraqlı məqamlar yer alıb.
1xeber.media Teleqraf-a istnadla xəbər verir ki, 24 dekabrda keçiriləcək tədbir üçün elan edilən tenderin ehtimal olunan qiyməti 197.746,48 AZN təşkil edir.
Tədbirin paytaxtın 5 ulduzlu hotellərinin birində keçiriləcəyi nəzərdə tutulur. Əsas maraqlı məqam isə tədbirin rəsmi hissəsindən sonraya aiddir. Belə ki, Forumdan sonra ziyafət təşkil olunacaq. Elan edilən tenderdə ziyafətə muğam üçlüyünün dəvət olunması ilə yanaşı, tanınmış ifaçılarının ifası tələbi yer alıb. Muğam ifaçılarının dini foruma dəvət olunması normal hal hesab edilsə də, din xadimlərinin iştirakı ilə keçiriləcək ziyafətə populyar müğənnilərin dəvət olunması birmənalı qarşılanmır.
Dini Qurumlarla İş Üzrə Dövlət Komitəsinin elan etdiyi tenderdə bu tələb olduğu kimi qeyd edilib: “Tədbir günü axşam Bakı şəhərində səviyyəli restoranların birində şam yeməyinin təşkili”.
Menyuda üç növ isti yemək təqdim olunacaq ki, bunlardan biri də steykdir.
