Prezident Administrasiyasının sabiq rəhbəri, akademik Ramiz Mehdiyevin həyat yoldaşı Qalina Mehdiyeva ilə bağlı yeni fakt üzə çıxıb.
1xeber.media Yenisabah.az-a istinadən xəbər verir ki, bunu Milli Məclisin keçmiş deputatı Etibar Əliyev “Facebook” səhifəsində yazıb.
Onun sözlərinə görə, Q.Mehdiyeva uzun illlər Bakı Dövlət Universitetinin və Elmin İnkişafı Fondunun işlərinə rəhbərlik və nəzarət edib:
“Faciədir!!! 25 ilə yaxın müddətdə Qalina Mehdiyeva Bakı Dövlət Universitetinin və Elmin İnkişafı Fondunun kuratoru olub… Utanın…”, – o bildirib.
Qeyd edək ki, Qalina Mehdiyeva 1944-cü ildə Gürcüstanın SSR-nin Poti şəhərində anadan olub. O, fizika-riyaziyyat elmləri doktoru, professordur. Hazırda Bakı Dövlət Universitetində çalışır.
