Litva Belarusla Medininkay sərhəd-keçid məntəqəsindən məhdud girişə başlayıb.
1xeber.media xəbər verir ki, bu barədə oktyabrın 27-də Belarus Dövlət Gömrük Komitəsinin (DGK) mətbuat xidməti məlumat yayıb.
"Belarus Gömrüyü təsdiq edir ki, qeyd olunan kateqoriyadan olan vətəndaşlar Moskva vaxtı ilə saat 14:30-da Kamennıy Log sərhəd-keçid məntəqəsi vasitəsilə sərhədi keçməyə başlayıblar", - DGK öz Telegram kanalında bildirib.
Yeni qaydalara əsasən, diplomatlara, Kalininqrad vilayətinə tranzit səyahət edənlərə, Litva və Aİ vətəndaşlarına, onların ailə üzvlərinə və Litvada yaşayış icazəsi olanlara icazə verilir. Əməliyyatın ilk saatlarında 30 minik avtomobili, iki avtobus və bir yük maşını Litvaya, 19 minik avtomobili, üç avtobus və 20 yük maşını isə əks istiqamətdə keçib.
