1xeber.media xəbər verir ki, Rusiya xarici işlər nazirinin müavini Sergey Ryabkov noyabrın 22-də “International Affairs” jurnalına müsahibəsində Rusiya prezidenti Vladimir Putinlə ABŞ prezidenti Donald Trampın növbəti görüşü gündəmdədir.
"Mən heç nəyi istisna etməzdim. Liderlər arasında növbəti təmasların keçirilməsi məsələsi gündəmdədir. Biz görürük ki, irəliyə doğru yol axtarışları davam edir", - diplomat vurğulayıb.
Ryabkov əlavə edib ki, Rusiya tərəfi potensial danışıqların məzmununa xüsusi diqqət yetirir. Onun sözlərinə görə, Moskva Alyaskada Putin-Tramp sammiti zamanı razılaşdırılmış çərçivədən kənara çıxa bilməz.
