Tanınmış aparıcı Sənan Şəfizadə “Qarabağ”ın baş məşqçisi Qurban Qurbanovun oğlu Musanın 3 ay öncə baş tutmuş toyundan yeni fotolar paylaşıb.
1xeber.media-nın məlumatına görə, fotolardan görünür ki, toyda həm də dövlət rəsmiləri və tanınmış simalar iştirak edib.
Onların arasında iqtisadiyyat naziri Mikayıl Cabbarov, SOCAR-ın prezidenti Rövşən Nəcəf, sabiq korpus komandiri general-leytenant Mais Bərxudarov və digər vəzifəli şəxslər olub.
Qeyd edək ki, Azərbaycan millisi və “Qarabağ”ın futbolçusu Musa Qurbanlı bu ilin sentyabrında “Qoçət” restoranlar şəbəkəsinin sahibi Sənan Təhməzovun qızı ilə ailə həyatı qurub.
