1xeber.media xəbər verir ki, ABŞ prezidenti Donald Tramp radio aparıcısı və Respublikaçılar Partiyasının donoru Con Katsimatidisə müsahibəsində Venesuelada böyük obyektin ABŞ ordusu tərəfindən dağıdıldığını açıqlayıb.
"Onların böyük zavodu, yaxud böyük müəssisəsi var ki, gəmilər oradan göndərilir. İki gecə əvvəl biz onu məhv etdik", - o deyib. Bununla belə, Ağ Ev rəhbəri hansı müəssisəni nəzərdə tutduğunu dəqiqləşdirməyib.
Bundan əvvəl Sankt-Peterburq Dövlət Universitetinin dünya siyasəti kafedrasının baş müəllimi, politoloq Kseniya Konovalova-Alximenkova Lenta.ru-ya müsahibəsində Tramp administrasiyasının Venesuelanın kritik infrastrukturunu bombalamağa və neft buruqlarını ələ keçirməyə əl ata biləcəyini təklif etmişdi. Ekspert qeyd edib ki, Amerika lideri Vaşinqtonun “öz yarımkürəsində” gücünü nümayiş etdirmək üçün məqsədli şəkildə Karakasa təzyiq edir.
