Rusiyalı iş adamı Vigen Sarkisyana məxsus "Crowne Plaza" oteli, eləcə də "Qoryaçi Klyuç" və "Predqorye Kavkaza" sanatoriyaları dövlət mülkiyyətinə müsadirə edilib.
1xeber.media xəbər verir ki, bu barədə Krasnodarın Oktyabrski Rayon Məhkəməsi qərar qəbul edib.
Sarkisyana və onunla əlaqəli 18 fiziki və hüquqi şəxsə qarşı iddia Rusiya Federasiyasının Baş Prokuroru tərəfindən qaldırılıb. O, Qoryaçi Klyuçevski Şəhər Məhkəməsinin qərarı ilə müəyyən edilmiş öhdəlikləri yerinə yetirmək üçün cavabdehin əmlakının dövlətə verilməsini istəyib. Ödənilən məbləğ 4,2 milyon rubl, üstəgəl Soçiyə dəyən ekoloji ziyana görə 1,9 milyon rubl kompensasiya təşkil edib.
Krasnodardakı otel və iki sanatoriyadan əlavə, iş adamı Adıgey Respublikasında, Moskvada və Krasnodar diyarında 13 əmlakını, eləcə də Qoryaçi Klyuçdakı altı yaşayış əmlakını itirib.
Daha əvvəl televiziya aparıcısı Tina Kandelakinin dəfn evinə qarşı məhkəmə iddiasını qazandığı bildirilirdi.
