1xeber.media xəbər verir ki, Moskva meri Sergey Sobyanin Ukrayna Silahlı Qüvvələrinin Rusiya paytaxtına yeni PUA hücumu cəhdi etdiyini bildirib.
Onun sözlərinə görə, Moskva istiqamətində uçan 6 pilotsuz uçuş aparatı Rusiya Müdafiə Nazirliyinin hava hücumundan müdafiə sistemləri tərəfindən məhv edilib.
Sobyanin bildirib ki, PUA-ların qalıqlarının düşdüyü ərazilərdə operativ xidmətlər çalışır. Hadisə ilə bağlı əlavə məlumat açıqlanmayıb.
Mer daha əvvəl paytaxta doğru hərəkət edən 7 PUA-nın da vurulduğunu açıqlamışdı.
Qeyd edək ki, son günlər Moskva və ətrafında Ukrayna dronlarının hücumları intensivləşib. Rusiya rəsmiləri avqustun ortalarında paytaxt istiqamətində yüzlərlə PUA-nın vurulduğunu açıqlayıblar.
