"Cənab Prezident ilk gündən tapşırıq verdi ki, mümkün olan hər şey edilsin. Sizin oğlunuz və digər pilot çox böyük qəhrəmanlıq edib. Bunu təkcə Azərbaycan demir, bu işə cəlb olunmuş digər ölkələrin nümayəndələri də təsdiq edir".
1xeber.media xəbər verir ki, bunu Baş nazir Əli Əsədov təyyarə qəzasında həlak olan pilot Aleksandr Kalyaninovun anasına başsağlığı verərkən deyib.
Baş nazir təyyarənin "qara qutu"sundan da söz açıb:
""Qara qutu" xüsusi mövzudur. Biz bununla bağlı prosesləri araşdırır və izləyirik. Beynəlxalq strukturlar və təyyarənin qəzaya uğradığı ölkələrin mütəxəssisləri ilə kordinasiyalı şəkildə bu işlə məşğuluq".
Musavat.com
