“Azərbaycan Hava Yolları” QSC-yə (AZAL) məxsus təyyarənin Aktauda qəzaya uğraması ilə bağlı araşdırma zamanı hərtərəfli komissiya məhkəmə-tibbi ekspertizası təyin edilib.
1xeber.media xəbər verir ki, bu barədə İstintaq Komitəsinin (İK) rəsmi nümayəndəsi Svetlana Petrenko məlumat verib.
Petrenko çərşənbə günü jurnalistlərə deyib: "Hava hərəkətinə nəzarət xidmətləri, hava hərəkətini idarəetmə sistemi və hava hücumundan müdafiə orqanlarının vəzifəli şəxslərinin hərəkətlərini qiymətləndirmək üçün hərtərəfli komissiya təşkilati-texniki məhkəmə-tibbi ekspertizası təyin edilib".
O qeyd edib ki, “istintaq faciənin səbəbləri ilə bağlı bütün mümkün versiyalar üzərində işləyir”.
"Qroznı, Mahaçqala və Mineralnıye Vodı dispetçerləri ilə təyyarə komandiri arasında danışıqlar təhlil edilir. Hərtərəfli aviasiya texniki ekspertizası təyin edilib", - Petrenko bildirib.
Onun sözlərinə görə, “bütün təyyarə sistemlərinin vəziyyəti, eləcə də maddi sübutlar öyrənilir”.
"İstintaq Azərbaycan Respublikası və Qazaxıstan Respublikasının səlahiyyətli orqanları ilə əməkdaşlıq əlaqələri qurub. Dövlətlərarası Aviasiya Komitəsinin mütəxəssisləri ilə birlikdə Braziliya Aviasiya Qəzalarının Araşdırılması və Qarşısının Alınması Mərkəzindən hava gəmisinin qeydiyyat aparatlarından alınan məlumatlar ( SENIPA) tədqiq olunur”, - Rusiya Federasiyası İstintaq Komitəsinin nümayəndəsi bildirib.
2024-cü il dekabrın 25-də AZAL sərnişini Embraer 190 Qazaxıstanın Aktau şəhəri yaxınlığında qəzaya uğrayıb. Bakıdan Qroznıya uçan təyyarənin göyərtəsində 67 nəfər olub, onlardan 38-i dünyasını dəyişib. Təyyarə Qroznıda bir neçə dəfə eniş cəhdindən sonra Aktauya istiqamət alıb. O, Qazaxıstan hava limanına təxminən 3 km qalmış qəzaya uğrayıb.
Rusiya Federasiyasının İstintaq Komitəsi hava nəqliyyatının istismarı qaydalarının pozulması (Rusiya Federasiyası Cinayət Məcəlləsinin 263-cü maddəsi) ilə bağlı cinayət işini araşdırır.
