Hindistan hərbi təyyarələr də daxil olmaqla Pakistanla əlaqəli təyyarələr üçün hava məkanını müvəqqəti bağladığını elan edib.
1xeber.media xəbər verir ki, bu barədə Hindistan televiziyası məlumat yayıb.
“Hindistanın hava məkanı Pakistanda qeydiyyatdan keçmiş bütün təyyarələr və Pakistan aviaşirkətləri və ya operatorları tərəfindən idarə olunan, sahiblik edilən və icarəyə götürülən təyyarələr, o cümlədən hərbi uçuşlar üçün bağlıdır”, - deyə bəyanatda bildirilir.
Qeyd olunur ki, məhdudiyyət aprelin 30-dan qüvvəyə minir və mayın 23-dək qüvvədə olacaq. Bitmə tarixi şərtidir.
Bundan əvvəl bildirilmişdi ki, Pakistan Silahlı Qüvvələri (AF) Hindistanla mümkün hərbi münaqişəyə hazırlaşmağa başlayıb. Aprelin 29-da Hindistan və Pakistan sərhədində hərbi toqquşmaların başladığı məlum olub.
