“ABŞ İrana qarşı əməliyyata başlasa, Tehran ölkənin Doha yaxınlığında yerləşən bazalarını vura bilər”.
1xeber.media xəbər verir ki, bu barədə “Vaşinqton Post” (VP) məlumat yayıb.
Bildirilib ki, artıq İran Qətər hakimiyyətinə xəbərdarlıq göndərib.
“Qətərdə ABŞ Hərbi Hava Qüvvələrinin bölgədəki ən böyük bazası “Əl Udeid” yerləşir. Bu, ABŞ Mərkəzi Komandanlığının 10 minə qədər əsgərinin yerləşdiyi irəli komanda məntəqəsidir. Vaşinqton İsrailin əməliyyatına qoşulmağa qərar verərsə, Yaxın Şərqdəki digər ABŞ bazaları, eləcə də regiondakı diplomatik nümayəndəlikləri İranın zərbələrinin hədəfinə çevrilə bilər”, – deyə nəşr yazıb.
Qeyd edək ki, bundan əvvəl Qətər Xarici İşlər Nazirliyi ölkənin əmiri Şeyx Təmim bin Həməd Al Taninin İran prezidentindən məktub aldığını bildirib. Onun məzmunu açıqlanmayıb.
