Rusiya Prezidenti Vladimir Putin qlobal neft və qaz bazarındakı vəziyyəti müzakirə etmək üçün Kremldə iclas keçirib.
1xeber.media xəbər verir ki, bu barədə Rusiya KİV məlumat yayıb.
Putin bildirib ki, Rusiya dəfələrlə Yaxın Şərqdəki vəziyyəti pozmaq cəhdlərinin neft və qaz qiymətlərini artıracağı barədə xəbərdarlıq edib.
O qeyd edib ki, qlobal neft qiymətləri bir həftə ərzində 30% artıb: "Yaxın Şərqdən təbii qaz tədarükü kəskin şəkildə azalıb və istehsalın bərpası həftələr və aylar çəkəcək. Hazırkı yüksək enerji qiymətləri müvəqqətidir və Rusiya bunu başa düşür. Rusiya Slovakiya və Macarıstan da daxil olmaqla etibarlı alıcı ölkələrə neft və qaz tədarük etməyə davam edəcək".
